நாவுக்கு சுவைமிகு அவல் உப்புமா

தேவையான பொருட்கள்: 

அவல் - 2 கப் 

வெங்காயம் - 1

தக்காளி - 1

மஞ்சள் தூள் - 1/2 டீஸ்பூன் 

எலுமிச்சை சாறு - 1/2 டேபிள் ஸ்பூன் 

கொத்தமல்லி - சிறிது 

உப்பு - தேவையான அளவு 

தாளிப்பதற்கு... 

எண்ணெய் - தேவையான அளவு 

கடுகு - 1/2 டீஸ்பூன் 

சீரகம் - 1/2 டீஸ்பூன் 

வரமிளகாய் - 1 

கறிவேப்பிலை - சிறிது 

வேர்க்கடலை - 1/2 டேபிள் ஸ்பூன் 

பச்சை மிளகாய் - 5  

பெருங்காயத் தூள் - 1 சிட்டிகை 

செய்முறை: 

* வெங்காயம், தக்காளி, கொத்தமல்லி, ப.மிளகாயை பொடியாக நறுக்கிக் கொள்ளவும் 

* முதலில் அவலை நன்கு கழுவி, நீரை முற்றிலும் வடிகட்டி தனியாக ஒரு பொளலில் வைத்துக் கொள்ள வேண்டும். 

* பின்னர் ஒரு வாணலியை அடுப்பில் வைத்து, அதில் எண்ணெய் ஊற்றி, காய்ந்ததும், கடுகு, சீரகம், வரமிளகாய், கறிவேப்பிலை, வேர்க்கடலை, பச்சை மிளகாய் மற்றும் பெருங்காயத்தூள் சேர்த்து தாளித்துக் கொள்ள வேண்டும். 

* பிறகு நறுக்கிய வைத்துள்ள வெங்காயத்தை சேர்த்து, பொன்னிறமாக வதக்கி, மஞ்சள் தூள் சேர்த்து 3-4 நிமிடம் தீயை குறைவில் வைத்து, மூடி வைக்க வேண்டும். 

* பின்பு நறுக்கிய தக்காளியை சேர்த்து சிறிது நேரம் வதக்கி, அவலை சேர்த்து நன்கு கிளறிவிட வேண்டும். 

* இறுதியில் உப்பு மற்றும் எலுமிச்சை சாறு சேர்த்து, 3-5 நிமிடம் பிரட்டி கொத்தமல்லியைத் தூவி விட்டு, இறக்க வேண்டும். 

* இப்போது சுவையான அவல் உப்புமா ரெடி!!!