இஸ்ரேல் நடத்திய தாக்குதலில் 45 சிரியப் படையினர் பலி - 150 பேர் காயம்!

இஸ்ரேல் தாக்குதல் நடத்தியதில், 45 சிரிய வீரர்கள் கொல்லப்பட்டனர்; 150 பேர் படுகாயமடைந்தனர். சிரியாவில், தலைநகர் டமாஸ்கஸ் மற்றும் அதை சுற்றியுள்ள, மூன்று ஆயுத கிடங்குகள் மீது, இஸ்ரேல் நேற்று முன்தினம், திடீர் தாக்குதல் நடத்தியது. இந்த பயங்கர தாக்குதலில், 45 வீரர்கள் பலியாயினர்; ஏராளமான வீரர்கள் படுகாயமடைந்தனர். ஹிஸ்புல்லா பயங்கரவாதிகளுக்கு சப்ளை செய்வதற்காக, இந்த கிடங்குகளில் ஏவுகணைகள் வைக்கப்பட்டிருந்ததாகவும், இதை அழிப்பதற்காக தான் தாக்குதல் நடத்தப்பட்டதாகவும், இஸ்ரேல் விளக்கம் அளித்துள்ளது.இஸ்ரேலின் இந்த அதிரடி தாக்குதலுக்கு, ஈரான் கடும் கண்டனம் தெரிவித்துள்ளது.