விமானப் படையிலிருந்து விலகும் இங்கிலாந்து இளவரசர் வில்லியம்ஸ் / சிறுநீரகத்தை தானம், மோசடி செய்த பெண் கைது

 

 

விமானப் படையிலிருந்து விலகும் இங்கிலாந்து இளவரசர் வில்லியம்ஸ்- 
இங்கி­லாந்து இள­வ­ரசர் ஓரிரு மாதங்­களில் விமா­னப்­படை பணியை விட்டு விலகுவ­தாக அறி­வித்­துள்­ள­தாக அந்­நாட்டு ஊட­கங்கள் செய்தி வெளி­யிட்­டுள்­ளன.

இங்­கி­லாந்து இள­வ­ரசர் வில்­லியம்ஸ், ‘ரோயல் ஏர் போர்ஸ்’ எனப்­படும் அந்­நாட்டின் விமா­னப்­ப­டையின் ‘சீ கிங்’ மீட்பு மற்றும் தேடுதல் பிரிவில் ஹெலி­கொப்டர் விமா­னி­யாக உள்ளார்.

ஆப்­கா­னிஸ்­தானில் தலி­பான்­களை வேட்­டை­யா­டிய ‘நேட்டோ’ படையில் இவர் இடம்­பெற்­றி­ருந்தார் என்­பது குறிப்­பி­டத்­தக்­கது.

சுமார் 3 ஆண்­டு­க­ளாக இப்­ப­ணியில் உள்ள வில்­லியம்ஸ், கேட் மிடில்­டனை திரு­மணம் செய்­து கொண்டார். இள­வ­ரசி கேட் மிடில்டன் தற்­போது கர்ப்­பி­ணி­யாக உள்ளார்.

எதிர்வரும் ஜுலை மாதம் இத்­தம்­ப­தி­ய­ருக்கு குழந்தை பிறக்­கக்­கூடும் என எதிர்­பார்க்­கப்­ப­டு­கி­றது.

தனது முதல்­வா­ரிசு பிறக்கும் வேளையில் குடும்­பத்தை விட்டு வெகு தொலைவில், வெகு நாட்கள் பிரிந்­தி­ருப்­பதை விரும்­ப­வில்லை என சில மாதங்­க­ளுக்கு முன்னர் ஒரு செவ்­வியின் போது இள­வ­ரசர் வில்லியம்ஸ் தெரி­வித்­தி­ருந்தார்.

இந்­நி­லையில், இன்னும் ஓரிரு மாதங்­களில் விமா­னப்­படை பணியை விட்டு வில­கப்­ போ­வ­தாக வில்­லியம்ஸ் தனது உய­ர­தி­கா­ரி­யிடம் தெரிவித்துள்ளதாக இங்கிலாந்தில் இருந்து வெளியாகும் பத்திரிகை செய்தி வெளியிட்டுள்ளது.

சிறுநீரகத்தை தானம், மோசடி செய்த பெண் கைது-
கடுமையான சிறுநீரக நோயால் பாதிக்கப்பட்டிருந்த நோயாளி ஒருவருக்கு சத்திர சிகிச்சை மூலம் சிறுநீரகம் ஒன்றை மாற்றுவதற்கு தனது சிறுநீரத்தை தருவதாக கூறி அதற்காக ஒரு இலட்சம் ரூபாய் பணத்தையும் பெற்று மருத்துவ பரிசோதனைகள் அனைத்துக்கும் சென்ற பெண் ஒருவர் பின் சிறுநீரகத்தை வழங்க மருத்ததை அடுத்து பொலிஸாரால் கைது செய்யப்பட்டுள்ளார்.

அலவத்துகொடை பிரதேசத்தை சேர்ந்த சிறுநீரக நோயாளி ஒருவர் கடுமையாக பாதிக்கப்பட்டிருந்தார். அவருக்கு உடநடியாக சிறு நீரக மாற்று சிகிற்சை ஒன்று செய்ய வேண்டும் என்று வைத்தியர்கள் ஆலோசனை வழங்கி இருந்தனர்.

அதன் பிரகாரம் ஒரு பெண் முன் வந்து அவருக்கு சிறு நீரகத்தை வழங்க ஒப்புக் கொண்டுள்ளார். பின் அதற்கான முன் பணமாக ஒரு இலட்சம் ரூபாயை பெற்ற அவர் அனைத்து மருத்துவ பரிசோதனைகளுக்கும் சென்றுள்ளார்.

அனைத்தும் முடிவடைந்து சிறுநீரக மாற்று சத்திர சிகிச்சை நடக்கவிருந்த சமயத்தில் அப்பெண் தனது சிறுநீரகத்தை வழங்க மருத்ததனால் நோயாளி கடும் சிக்கலில் அகப்பட்டுக் கொண்டுள்ளார்.

அவர் தினமும் உயிருக்காக போராடிக் கொண்டிருந்த நிலையில் அவரது உறவினர்களால் அலவத்துகொடை பொலிஸில் முறைப்பாடு செய்யப்பட்டுள்ளது. இதனையடுத்து குறித்த பெண், நிதி மோசடி குற்றச்சாட்டின் பேரில் கைது செய்யப்பட்டுள்ளார்.